Кезинде Камчыбек Ташиев карматкан 3 адам соттон акталды

Новопавловка муниципалдык аймактык башкармалыгынын жетекчисинин мурдагы орун басары, Бишкектин Ленин райондук администрациясынын техкөзөмөлү жана "Орбитал-Строй" компаниясынын директору соттон акталды. Маалыматты бүгүн, 7-октябрда Бишкек шаардык сотунун басма сөз кызматы тастыктады.

Белгилүү болгондой, чечимди шаардык сот 15-сентябрда кабыл алган. Алар Кылмыш-жаза кодексинин "Кызмат абалынан кыянаттык менен пайдалануу" беренеси боюнча күнөөсүз деп табылышкан.

Эске салсак, былтыр 16-июлда УКМКнын ошол кездеги төрагасы Камчыбек Ташиев Бишкектин Новопавловка айыл өкмөтүндөгү сапатсыз курулган сейил бакты жеринен текшерүүгө алып, аларды ошол жерден кармоону буйруган.