ИИМ кызматтык унаа менен кичинекей баланын катышуусунда контент тартты (видео)

Ички иштер министрлиги расмий баракчасына Кыргыз милициясынын 102 жылдыгына арналган видео жарыялады.

Видео Бишкектеги "Ала-Тоо" аянтында кызматтык унаа жана оюнчук кармаган кичинекей баланын катышуусунда тартылган. ИИМ келечек муунга үлгү болуу керектигин белгиледи.

"Балдар биздин жүрүм-турумубузга жана айланадагыларга болгон мамилебизге карап тарбия алышат. Ошондуктан аларга кичинекей кезинен баштап мыйзамды урматтоону, тартипти сактоону жана өз иш-аракеттери үчүн жоопкерчиликтүү болууну үлгү катары көрсөтүү абдан маанилүү. Анткени келечек өзүбүздөн башталат! Кыргыз милициясынын түзүлгөндүгүнүн 102 жылдыгы менен куттуктайбыз!" - деп жазылат билдирүүдө.