Талас. Сарык оорусуна чалдыккандар көбөйүүдө

Талас облусу боюнча 2012-жылдын 11-айында сарык менен ооруп жаткандардын саны 1,5 эсе көбөйдү. Бул күнгө чейин 642 сарык оорусу катталган. Ал эми салыштырмалуу 2011-жылы 427 оорулуу катталган. Азыр Талас шаарынын тургундары сарык оорусунан коркуп, балдарын бала бакчага жибербей жатышат. Адистердин айтымына таянсак, жогорку көрсөткүчтү көрсөткөн 14 жашка чейинки жаш өспүрүмдөрдүн саны 90%ды түзөт, сарык оорусунун өсүүсү сентябрь айларында башталган, ноябрь айында күчөгөн. Оорунун келип чыгуу себептерин дарыгерлер таза эмес суудан жана өздүк гигиенаны сактабагандыктан болуп жаткандыгын айтышты.

Автор: Нургүл Чабдарова