Ошто мэрия борбордук базардагы баш аламандыкты жойгону менен, сатуучуларга шарт түзүп берген эмес

Базардагы баш аламандыкты жоюу үчүн унааларга да кирүүгө тыюу салынган.

Шаар тургундары товарларын ушинтип арабада ташышууда.

Нан сатуу менен алектенген Элмар Мамыров Кара-Суу районунан келип иштейт.

Шараева Кичиайым

Ош шаарындагы борбордук базардын айланасындагы баш аламан соода кылгандар базар ичине көчүрүлгөн. Аны менен катар унаа жолдоруна чектөө киргизилип, коомдук транспортторго гана уруксат берилген.

Мындан улам соода-сатык кылган жарандарга гана эмес, шаар тургундарына да ыңгайсыздык жаралгандыгын көрүүгө болот.

Бүгүн, 1-майда аталган базардын сатуучулары бул боюнча нааразылыктарын билдиришти. Нан сатуу менен алектенген Элмар Мамыров Кара-Суу районунан келип иштейт. “Мен сыртта нан сатып иштечүмүн, бул жактан бизге бардык шартты түзүп беребиз деп алып киришкен. Жыйынтыгы, санитардык абал өзүң көргөндөй. Өзүбүз эртең менен келип бир сыйра шыпырып алып, анан жумушубузга киришебиз. Сыртта күнүнө 100 нан саткан болсом, учурда 50 гана нан сатып калдым”,- деди ал.

Ал эми жер-жемиш сатуу токтоп калгандыгын жана картошкалар өтпөй, алган баасынан төмөн сатып жаткандыгын Кичиайым Шараева айтып кейиди. “14 жылдан бери базарда соода-сатык менен алектенем. Эл катары насыя алып, соодабызды жүргүзчүбүз. Эми минтип базардын ичине киргизип коюп, эл кирбей, картошкабызды сата албай, көгөрүп кетти. Биротоло күйүп кетпейли деп алган баабыздан арзан сатып отурабыз”,- деди ал.

Бул тууралуу Ош шаардык мэриясынын басма сөз кызматынын башчысы Керимбек Калыкулов: “Базарга автоунаалар кирбей жаткандыгы - баш аламандыкты жоюунун бирден-бир себеби. Бул убактылуу нерсе. Жакынкы арада жол ачылат”,- деди.

Айта кетсек, Ленин, Кара-Суу, Навои көчөлөрүндөгү базарга кирүүчү жолдор 22-апрелден баштап жабык турат.

Автор: Айсана Паизова

17:37 01-05-2014

Жазылуу

РУБРИКАДАГЫ СОҢКУ КАБАРЛАР

10:56 2025-05-01 | Кылмыштар, кырсыктар

Ошто МАИ кызматкерин чаап жиберген жаранга кылмыш иши козголду 34 0

10:50 2025-05-01 | Супер-Инфо

Француз десерти – профитроли 38 0

10:38 2025-05-01 | Түркүн дүйнө

Путин үч жылдан бери түнүнүн көбүн өткөргөн Кремлдеги батирин көрсөттү (видео) 267 0

10:15 2025-05-01 | Маданият, шоу-бизнес

"Оор жашоону көргөнбүз". Актёр Актан Рыскелдиевге жубайы унаа белек кылды (видео) 438 0

10:10 2025-05-01 | Супер-Инфо

Мамилени бекемдеген сүйүүнүн 5 тили 129 0

09:57 2025-05-01 | Түркүн дүйнө

Өзбекстанда электрондук тамекиге толугу менен тыюу салынды 181 0

Архив

Комментарийлер (6)

bakaika

2014-05-02 08:24:01

Мыны эми жолго чыгып сата бергиле, баш аламан кылып. Эми жолдун ортосуна сатышсада эчким уечукпайт.

Aimeerimka

2014-05-02 09:58:51

Мелис Мырзакматов кайда журот билгендер айтып койгулачы деги Ошто элеби. Мелистей болуп иштеп алып анан суйлосонор Ош шаарын тоноочулар Мелистен кынтык таппай майда барат иштерге башынарды тыгасынарда. Мелис алга эл сиз менен!

no.comment

2014-05-02 10:17:22

kyiratypsynar

77.kg

2014-05-04 23:03:39

no.comment,Жакшы кылыпсынар десен, бай болгур!

Asanaka2

2014-05-02 13:39:31

Бир чети туура кылыптыр
Нан туз турса ичеги карын картошка пияз диск кайра ичеги карын эт турса майке картошка пияз калпак башын айланат да баары тапканын жайып чыгып алган басаарга оорун жок болуп калчуу.Ичкериде жай турса жолдо индиянын адамдарындай болуп башты айлантып.Маршурткадан кокус нетип чалынып жыгылчуу болсон тушуп же чыгып жатып соззсуз ичеги карынга же картошка пиязга жыгылчусун да.Баары оорду оорду менен жол жолдой болушу керек

77.kg

2014-05-04 23:02:30

Кара-Суу, Навои,Занабетдинова көчөлөрү, Шейит-Төбө көчө бойлоруна соода кылгандан машина эмес араба өтө албай калган башаламандык орун алган эле. Тилекке каршы ошол жол бойлорунда соода кылганга эч кандай шарт жок эле. Күнгө какталып кечке чанга аралашып олтурган сатарман эжелерге кыйын болчу. Азыр кичине тартипке келип илгертен иштеп келе жаткан базарда соода кыла башташты. Бул эми алармандарга да сатармандарга да жакш

Комментарий калтыруу үчүн өз ысымыңыз менен кириңиз же каттоодон өтүңүз.