Бишкекте 6-июнда Орус тили күнү белгиленет

6-июнда Бишкекте улуу орус акыны Александр Пушкиндин туулган күнүнө карата БУУнун "Көп тилдүүлүктү жана маданияттын ар түрдүүлүгүн өнүктүрүү" программасынын алкагында Орус тили күнү белгиленет. Бул тууралуу бүгүн, 3-июнда убштуруучулар кабарлашты.

Бул күнү Бишкекте боло турган иш-чаралардын тизмеги:

10:00. Салтанаттуу митинг жана Кыргыз-Орус Славян университетинин аянтындагы А.С.Пушкиндин эстелигине гүл коюу аземи;

14:00. Кыргыз Эл акыны, филология илимдеринин доктору В.И.Шаповаловдун чыгармачыл кечеси (Бишкектеги Орусиянын Илим жана маданият борбору);

18:00. Орус тил күнүнө арналган чоң майрамдык концерт. Салтанатта “У Лукоморья” аттуу концерт-балети коюлат.

Автор: Динара Абдыкадырова