Ырчы Марат Ибраев Эстонияда өткөн эл аралык сынактын лауреаты болду

Ырчы Марат Ибраев 23-26-майда Эстонияда өткөн Изабелла Юрьева атындагы орус романстарын аткаруу боюнча 15-эл аралык сынактын лауреаты болду. Бул тууралуу бүгүн, 4-июнда ырчы билдирди.

Анын айтымында, сынакка Орусия, Беларусь, Голландия, Чехия, Украина, Латвия, Эстония мамлекеттеринен 41 катышуучу катышкан. Ал эми Борбор Азиядан Марат Ибраев жалгыз барган. Сынакта ар бир катышуучу 6 чыгарма аткарган. Сынактын шарты боюнча, алардын экөөсү Изабелла Юрьеванын репертуарынан болгон.

“Мен Калый Молдобасановдун “Селкиге” аттуу чыгармасын аткардым. Калыстар тобуна абдан жакты көрүнөт, чыгарманы уккан соң абдан таң калып, кызыгып калышты”,- деп белгилейт Марат Ибраев.

Автор: Динара Абдыкадырова
Фото: Марат Ибраевдин интернеттеги өздүк баракчасынан алынды