Бишкекте “Чыйыр жолдон сабак алуу” аттуу көргөзмө өтүүдө (фоторепортаж)

Бишкектеги Эмен багындагы Сүрөтчүлөр союзунун галереясында “Чыйыр жолдон сабак алуу” аттуу көргөзмө өтүүдө. Көргөзмөгө Кыргызстан жана Казакстандын архитекторлорунун жана сүрөтчүлөрүнүн эмгектери коюлган. Экспозицияда эски архитектура фантазиясындагы жыгач, айнек, металл зымдардан жасалган эмгектер тартууланат. Муну менен катар жергиликтүү белгилүү сүрөтчү Валерий Руппелдин жаңы эмгектери жана Марат Райымкуловдун коллаж өңүттөгү фотолору коюлган. Ошондой эле Алматыдан келген сүрөтчү Александр Угайдын видео эмгеги көрсөтүлдү.

“Көргөзмөнүн башкы максаты – кыймылсыз мейкиндик формасындагы эмгектерге ар түрдүү идея менен киришүү. Көргөзмөнүн аталышында эле көркөм эмгектер камтылган деп ойлойм. "Чыйыр жолдон сабак алуу" деген - көркөм эмгектерден сабак алуу, анткени ар бир эмгекте өзгөчө мамиле, өзгөчө ой толгоо жатат”,- дейт уюштуруучу Медер Ахметов.

Маалымат үчүн айта кетсек, көргөзмө 15-июнга чейин уланат.

Автор: Динара Абдыкадырова
Фото: Динара Абдыкадырова