"Америка сулуусу-2014" наамын таэквондо боюнча кара курдун ээси, невадалык Ниа Санчез жеңип алды (фотолор)

"АКШ сулуусу-2014" наамынын ээси Ниа Санчез.

Сынактын жүрүшүнөн.

Ниа Санчезге таажыны "АКШ сулуусу-2013" сынагынын жеңүүчүсү, Коннектикут штатынын сулуусу Эрин Брэди кийгизди.

Сынактын катышуучулары.

Ниа Санчез кече көйнөгүн көрсөтүүдө.

Сыйлык тапшыруу учурунда.

Пенсильвания штатынын сулуусу Валери Гатто.

Луизиана штатынан келген сулуу Бриттани Гудрай.

Висконсин штатынын сулуусу Бишара Дорр.

Теннесси штатынын сулуусу Кристи Нидерфюр.

Түндүк Дакота штатынын сулуусу Одра Мари.

Жоржия штатынын намысын коргогон сулуу Тиана Григгс.

Сыйлык тапшыруу учурунан.

Кечээ, 9-июнда АКШнын сулуусу тандалды. Ага өлкөнүн 50 штатынан сулуулар катышып, жыйынтыгында 23 жаштагы, бир нече жыл балдар үйүндө тарбияланган невадалык Ниа Санчез жеңүүчү аталды. Ага таажыны "АКШ сулуусу-2013" сынагынын жеңүүчүсү, Коннектикут штатынын сулуусу Эрин Брэди кийгизди. Эми Ниа Санчез "Аалам сулуусу-2014" сынагында Американын намысын коргомокчу. Бул тууралуу бүгүн чет элдик маалымат каражаттары жазып чыгышты.

Маалыматка ылайык, сынактын жарым финалына 18-27 жаштагы 20 сулуу чыккан. Бикиничен сахнага чыгуу тапшырмасынан кийин калыстар тобу 10 катышуучуну тандап алышкан. Ал эми кече көйнөктөрүн кийип чыгуудан соң 6 сулуу тандалган. Акыркы тапшырмада, калыстар тобунун суроолоруна жооп берүүдө өз тапкычтыгын жана билим деңгээлинин жогору экендигин көрсөтүп Ниа Санчезге ийгиликке жетишкен.

Автор: Дамира Арстанова
Фото: Интернеттен алынды