Токтобек Асаналиев концертинде ат-башылык таланттардын башын бириктирди (фоторепортаж)

Бул концерттин билет баасы 500-700 сом болду.

Ырчылар даярдык үстүндө.

Токтобек Асаналиев "ат-башылык бир туугандарым үчүн" деп атайын дасторкон жайып, аш демдетиптир.

"Билинбегени менен Ат-Башыдан 60 чакты талант чыгыптыр. Улуу, кичүү муун бири-бирин таанып жүрсүн деп алардын башын бириктирдим" дейт бул концерттин уюштуруучусу Токтобек Асаналиев.

Концерттин биринчи бөлүгүндө көрүүчүлөр жалаң фольклордук чыгармаларга күбө болушту.

Концерт "Манас" айтуу менен башталды.

Концерттин жүрүшүнөн.

Айтбүбү Атамкулова кезектеги чыгармасын элге тартуулоодо.

Ат-Башынын таланттуу жигиттери.

Кыз-жигиттер "Гүлдөй жан" ырын созушууда.

Ат-Башыдан чыккан таланттуу жигиттер.

Ат-Башынын таланттары.

Концертте Улуттук консерваторияда билим алып жаткан ат-башылык студенттердин да өнөрүнө күбө болдук.

Концерттин жүрүшүнөн.

Концерттин экинчи бөлүгүн Ат-Башы жергесинен чыккан алып баруучулар Нурдөөлөт Копоев жана Эльмара Турсуналиева алып барды.

Концерттин жүрүшүндө лирикалык чегинүү болуп, актёрлор фортепианодон жаңырган музыканын коштоосунда мекен, сүйүү тууралуу ырларды окушту.

Концерттин жүрүшүнөн.

Сахна жасалгасы.

Опера ырчысы Үмүт Тилегенова.

Концерттин жүрүшүнөн.

Токтобек Асаналиев эне тууралуу ырды сахналаштырып аткарды.

Концертте классикалык музыкалар да жаңырды. Скрипкачы Гүлнара Сыдыкбекова.

Көрүүчүлөрдүн көпчүлүгүн улуу муундун өкүлдөрү түзүштү.

Концертке Ат-Башыдан чыккан таланттуу обончу, КРнын Эл артисти Калыйбек Тагаев да катышты.

Т.Сатылганов атындагы Улуттук филармониянын асты. "Билет алгыла, билет!", "Ай, эмне менин клиентимди тартып кеттиң?!" деп ары-бери басып билет саткан сатуучулар. Билеттерин колуна кармап имараттын эшигинин ачылышын күтүп, Токтобек Асаналиев баштаган ат-башылык таланттардын өнөрүнө күбө болууну самаган эл. Ошентип, саат жебеси 18:50нү кагып, "Булутка тийген аскасы, булбулдар чыккан Ат-Башы" деген аталыштагы концерт башталды. Сахна көшөгөсү ачылып, анын төрүнөн орун алган фольклордук топ четинен өз өнөрлөрүн тартуулай башташты. Бири "Манас" айтса, бири комузда кол ойното күү чертип, дагы бири улуттук аспаптардын коштоосунда Ат-Башы жергеси, андан чыккан залкарлар, мекен, сүйүү тууралуу ырларды тартуулашты.

Концерттин аты айтып тургандай, ага жалаң Ат-Башы жергесинен чыккан таланттар катышыптыр. Алардын арасынан белгилүүлөрдөн обончу Рахатбек Сейитбеков, Алтынбек Каленов, комузчу Нурзат Орозалиева, эстрада жана фольклор ырчылары Айтбүбү Атамкулова, Аскат Мусабеков, опера ырчысы Үмүт Тилегенова, скрипкачы Гүлнара Сыдыкбековаларды көрүп, алардын өнөрүнө күбө болдук. Кызыгы, концерттин алып баруучулары да ат-башылыктар экен. Алар Нурдөөлөт Копоев, Эльмара Турсуналиева, Бакай Шүкүров жана Эрке бала деген ат менен таанымал болгон мырза Талант Карагулов болду.

«Бул концертиме жалаң Ат-Башынын таланттарын чогулттум. Билинбегени менен Ат-Башыдан 60 чакты талант чыгыптыр. Улуу, кичүү муун бири-бирин таанып жүрсүн деп алардын башын бириктирдим. Ала көөдөн жаным баарын эле четинен чакыра бериптирмин. Аягында иргеп алууга туура келип, 40тай талантты тандап алдык»,- дейт бүгүнкү концерттин уюштуруучусу, ырчы Токтобек Асаналиев.

3 сааттан ашык убакытка созулган концертте убагында хит болгон ырлар ырдалгандыктан, эл сурантпай кол чаап, айрымдары ырчыларга кошулуп ырдап отурушту.

Токтобек Асаналиев ат-башылыктардын башын бириктирди

Автор: Дамира Арстанова
Фото: Дамира Арстанова

20:43 10-06-2014

Жазылуу

РУБРИКАДАГЫ СОҢКУ КАБАРЛАР

23:40 2025-05-08 | Түркүн дүйнө

Жаңы Рим папасы шайланды 1040 0

22:56 2025-05-08 | Саясат

Садыр Жапаров Жеңиш парадына катышуу үчүн Москвага барды 1156 0

18:29 2025-05-08 | Маданият, шоу-бизнес

Рэпер Улукманапо кырк жылкылуу болду 940 0

18:25 2025-05-08 | Түркүн дүйнө

Молдовада депутаттар жыйынга баатырлардын портреттери менен келишти 1180 0

18:09 2025-05-08 | Түркүн дүйнө

Москвада Путин менен Си Цзиньпин жолугушту 1408 0

17:42 2025-05-08 | Спорт

Намангандагы велоспорт мелдешинде кыргызстандык команда медаль утту 690 0

Архив

Комментарийлер (12)

dos

2014-06-10 20:53:24

Баракелди Токтобек байке ишинизге ийгилик онору оркундой берсин

lusi2013

2014-06-11 00:10:50

Мм,тузук

depu

2014-06-11 00:52:01

Акыркы убакта ырчылар ,озунун кичи мекендештерине арнап концерт койгондой сезилип жатат. Кимдин айылдаштары жакшы колдойт экендей. Ырчылар политикага окшоп калбагыла!

-1

Musio

2014-06-11 01:15:10

depu, Ырчылар политикага окшоп калбагыла!! -Ырчылар ким,Политиктер ким -ЭЭН чон айырма бар! ХХХ ХХХ ХХХ...

admin_portal

2014-06-11 10:19:43

Musio - эскертүү!
Кимдир бирөөнү кемсинтип, мазактоого жол берилбейт.

aika_sv

2014-06-11 01:08:55

Эн Жакшы бир жерден чыккан таланттар бири бирин тааный журсо жакшы да.

danok88

2014-06-11 06:22:09

жердешчилик деген эн жаман эн негизгиси кыргыз болсо болду да

meka93

2014-06-11 09:55:21

ийгилик ишинизге. Нарында негизи эле элдери аябай таланттуу келет

Lui

2014-06-11 12:17:05

Токтобек Асаналиевдин концерти жакшы өтчү эле деп мен да кызыгып баргам. Концерт качан гана ортолоп калганда, Ат Башылыктардын ашар концерти экенин түшүндүм. Ага чейин качан чыгат деп эле кутуп отурам Т. Асаналиевди.. Режиссеру бир аз жакшы иштесе болмок экен деген ойдо калдым. Себеби: Ыр ырдалып жатканда, артынан ролик берилип, ошол учурда эле сахнада актерлор да сценка коюп, бийчилер да бийлеп жүрүштү..

Murok

2014-06-11 13:01:23

Кой антпегиле буюрса алдыда будан да жакшы концерт берет, бул да болсо жетишкендик!!! Азамат Токтобек ава!!! Алга!

mambetov88

2014-06-11 15:12:12

концерт эн жакшы маанайда отту сценарий жакшы тузулуптур

Мэри

2014-06-11 19:45:55

Концерт болгону жакшы, ыр болуп турсун. Бирок...
Өнөр адамдары бир адат таап алышты, "Токтогулдун торгойлору" ж.б. деп концерт бермей. Мунун акыр түбү барып бөлүнүүчүлүккө такалбайбы...

Комментарий калтыруу үчүн өз ысымыңыз менен кириңиз же каттоодон өтүңүз.