Бир айда Жалал-Абад шаардык "Электр сатуу" ишканасынын кызматкерлери дебитордук карызды 3 миллион сомдой кыскартты

Жалал-Абад шаардык "Электр сатуу" ишканасы үстүбүздөгү жылдын 1-майына 18 миллион сомдон ашуун дебитордук карызы менен келген болсо, 1-июнга 14 миллион 590 миң сом менен чыкты. Бир ай аралыгында ишкананын кызматкерлери 3 миллиондон ашуун сомду кыскартты. Бул тууралуу бүгүн, 12-июнда “Жалал-Абад электр” ачык акционердик коомунун басма сөз кызматы билдирди.

Жалал-Абад шаардык "Электр энергия сатуу" ишканасынын жетекчиси Жаныбек Алимбековдун айтымында, калктын электр энергияга болгон карызы 1-майга 7 миллион 465 миң сом болсо, 1-июнга 6 миллион 636 миң сом калды. Ал эми бюджеттик мекеме-ишканалардан электр жарыкка болгон төлөмдү кыскартуу 56,5 пайызды түздү.

Автор: Айсана Паизова