Кыргызстандык аткаруучулар Өзбекстанда өтчү “Чимган жаңырыгы” фестивалына катышат

13-15-июнда кыргызстандык таланттар Өзбекстанда өтүүчү “Чимган жаңырыгы” фестивалына катышышат.

"Фестивалдын калыстар тобун КМШ өлкөлөрүнөн келген Олег Митяев, ырчы, аткаруучу Алевтина Баталова жана актриса Галина Кетова сыяктуу өкүлдөр түзөт”,- деп билдиришет уюштуруучулар.

Фестивалда Кыргызстандын намысын коргоо үчүн Виталий Матков жана Вячеслав Аксенов аттанышкан. Аталган иш-чарага конок катары барган «Gala театр» Ч.Айтматовдун чыгармасына жазылган “Эмнеге издер калбайт?..” аттуу моноспектаклин коюшат.

Автор: Динара Абдыкадырова