Алайдагы жолду буугандардын кесепетинен Чоң-Алай районунун тургундары пенсиялары кечеңдеп жаткандарын айтышууда

27-майдан бери Алайдын Сопу-Коргон айылында Ош - Эркеч-Там унаа жолун буугандардын кесепетинен Чоң-Алай районунун тургундары пенсияларын өз убагында ала албай кыйналышууда. Бул тууралуу бүгүн, 16-июнда Чоң-Алай районунун акими Абдилазиз Ашыров билдирди.

Анын айтымында, бүгүнкү күндө пенсия, жөлөк пул жол тосулгандан улам кечеңдеп жатат.

Ал эми “Айыл банктан” билдиришкендей, жолдун жабыктыгына байланыштуу Дароот-Коргон айылына каражаттарды жеткирүү мүмкүн болбой, пенсиялар кечеңдеп жатат. Ошол эле учурда курчоого алынган айылга инкассациянын кириши да кооптуу болгонун маалымдашты.

Автор: Айсана Паизова