Бишкекте өкмөттүк эмес уюмдарды көзөмөлгө алууну демилгелеген акция өтүүдө (фоторепортаж)

"Калыс" саясий кыймылынын лидери Жеңиш Молдокматов: "Биз бейөкмөт уюмдарга каршы эмеспиз. Алар бийликке каржылык отчёт берүүгө тийиш".

Бейөкмөт уюмдарды көзөмөлгө алуу боюнча мыйзам долбоорун кабыл алууну тездетүү талабы менен акция уюштурулду.

Активисттер ушундай жазуусу бар плакаттар менен чыгышты.

Акциянын учурунда милиция кызматкерлери тартипти сактап турушту.

"Калыс" кыймылынын лидери Жеңиш Молдокматов журналисттерге маек берүүдө.

Акциянын жүрүшүнөн

Акциянын катышуучулары ушундай плакаттар менен чыгышты.

Аталган акция Курманжан датканын эстелигинин жанында өттү.

Бишкекте бүгүн, 16-июнда “Калыс” саясий кыймылы өкмөттүк эмес уюмдарды көзөмөлгө алуу боюнча мыйзам долбоорун кабыл алууну тездетүү талабы менен акция өтүүдө. Аталган кыймылдын лидери Жеңиш Молдокматов бейөкмөт уюмдарга бөлүнгөн каражаттар негизсиз пайдаланылып жаткандыгын айтып, алардын ишин тез арада текшерүү керектигин белгилеп өттү. Ал бейөкмөт уюмдар бөлүнгөн каражаттарды пайдалуу иштерге сарптабай, керексиз, натыйжасыз пайдаланып жатканын кошумчалап, 2013-2014-жылдар үчүн Эл аралык "Сорос-Кыргызстан" фондуна 250 миллион сомго жакын каражат бөлүнгөнүн айтты. Акцияга 15ке чукул жаран катышууда.