Ошто 9-класстын бүтүрүүчүлөрүнө күбөлүктөр салтанаттуу түрдө тапшырылды

Ош шаарынын мектептеринде бүгүн, 20-июнда окуучуларга жалпы билим берүү мектептеринин 9-классын бүткөндүгү тууралуу күбөлүк тапшыруу аземи болуп өттү. Бул тууралуу Ош шаардык билим берүү башкармалыгынын басма сөз кызматы билдирди.

Маалыматка ылайык, шаарда 9-классты бүткөн окуучулардын саны 4400 экени аныкталды. Ошондой эле окуучулардын коопсуздугун сактоо максатында ар кандай иш-чараларды өткөрүүгө тыюу салынган.

Ал эми Шаардык билим берүү башкармалыгынын кызматкерлери мектептерге бөлүштүрүлүп, эрежелердин аткарылышына жана окуучулардын коопсуздугунун камсыздалышына көз салынууда.

Автор: Айсана Паизова