Баңгизатты колдонууга жана аны мыйзамсыз айландырууга каршы эл аралык күнүнө арналган иш-чара өткөрүлдү

19-июнда Бишкектеги №16-үй-бүлөлүк медицина борборунда Баңгизатты колдонууга жана аны мыйзамсыз айландырууга каршы эл аралык күнүнө арналган иш-чара өткөрүлдү. Бул тууралуу бүгүн, 20-июнда Саламаттыкты сактоо министрлигинин басма сөз кызматы билдирди. Иш-чарага медицина кызматкерлери, жергиликтүү өзүн өзү башкаруу органдарынын өкүлдөрү, бейөкмөт уюмдар, ден соолукту сактоо кызматы катышты. “Расмий статистика боюнча, өлкөдө 10 миңден ашуун баңгизатка көз каранды жаран бар. Алардын 5 миңден көбү баңгизатты ийне аркылуу колдонуу менен ВИЧ-инфекциясына кабылгандар” деп билдирет аталган министрликтен.

Автор: Динара Абдыкадырова