Бишкекте Улуу Ата Мекендик согушта дайынсыз кеткен жоокерлерге арналган сүрөт көргөзмө өтөт

24-июнда Бишкектеги Улуттук китепканада Улуу Ата Мекендик согушта дайынсыз кеткен жоокерлерге арналган сүрөт көргөзмө ачылат. Бул тууралуу бүгүн, 20-июнда аталган жайдын басма сөз кызматы билдирди.

Маалыматка ылайык, бул иш-чаранын негизги максаты улуттар аралык достукту бекемдөө жана өркүндөтүү болуп саналат. Анда согушта дайынсыз кеткен жоокерлер тууралуу маалыматтар коюлмакчы.

Белгилей кетсек, Улуу Ата Мекендик согушка 363 миң кыргызстандык жоокер катышкан. Алардын 95 миңден ашыгы согуш талаасында курман болсо, 5 миңдейи дайынсыз жоголгон.

Автор: Дамира Арстанова