Бишкектеги Улуттук китепканада орус акыны Анна Ахматованын 125 жылдыгына карата көргөзмө ачылды

Бишкектеги Улуттук китепканада орус акыны Анна Ахматованын 125 жылдыгына карата көргөзмө ачылды. Бул тууралуу бүгүн, 24-июнда аталган китепкананын басма сөз кызматы билдирди.

Маалыматка ылайык, көргөзмөгө акындын 2 томдук дил баяны, биографиялык материалдар, күндөлүктөрү, ыр жыйнактары коюлат.

Белгилей кетсек, Анна Ахматова 1889-жылы 11-июнда Одессада деңиз инженеринин үй-бүлөсүндө жарыкка келген. Анын алгачкы ыр жыйнагы 1912-жылы "Вечер" деген аталышта жарык көргөн.

Анна Ахматова 1966-жылы 5-мартта бул жарыкчылык менен коштошкон. Анын сөөгү Ленинграддагы Комарово шаарчасына коюлган.

Автор: Дамира Арстанова
Фото: Интернеттен алынды