Ош. Шаардагы жылуулук менен камсыздоо мекемесине газдын жоктугу таасирин тийгизбейт

Шаардагы жылуулук менен камсыздоо мекемесине көгүлтүр оттун жоктугу эч кандай таасирин тийгизбейт. Бул тууралуу бүгүн, 24-июнда аталган мекеменин жетекчиси Кубанычбек Алишеров билдирди.

Анын айтымында, мекемеге тиешелүү болгон 58 буу казан болсо, алардын баары көгүлтүр оттон көз каранды эмес. Бирок электр тогусуз бир да буу казанды иштетүүгө мүмкүн эмес.

“Ток менен камсыз кылган мекемелер ызгаардуу кыш айында биздин ишти үзгүлтүккө учуратпаса эле болду. Кетирген электр энергиябыздын акчасын убагында төгүп турган соң, жылытуу мезгилинде электр берүүчү мекемелер милдеттүү түрдө бизди камсыз кылып турушу керек”,- деди ал.

Автор: Айсана Паизова