Бүгүн Бишкекте 75 бүтүрүүчүгө артыкчылык аттестаты салтанаттуу тапшырылды (фоторепортаж)

Бүтүрүүчүлөр мугалимдери менен.

Бүтүрүүчүлөр чогуу калаа башчысы менен сүрөткө түшүштү.

Бүтүрүүчү Фарида Каныбек кызынын апасы Асел Кубанычбек кызы (солдон биринчи).

Бүтүрүүчүлөр эстеликке сүрөткө түшүп жатышат.

Бүтүрүүчүлөрдүн атынан сүйлөгөн Бегимай Саитова.

Иш-чарада чакан концерттик программа уюштурулду.

Иш-чарада чакан концерттин программа уюштурулду.

Салтанаттын жүрүшүнөн.

№4-мектеп-гимназиясынын бүтүрүүчүсү Эльзат Мамытканова.

Салтанаттын жүрүшүнөн.

Бүтүрүүчүлөргө өзгөчө үлгүдөгү аттестат тапшырылууда.

Бишкек шаарынын мэри Кубанычбек Кулматов жана шаардык кеңештин депутаты Марат Аманкулов куттуктоо сөзүн сүйлөп жатышат.

Иш-чаранын алып баруучулары.

Толкунданып отурушкан бүтүрүүчүлөр.

Иш-чарага Бишкек шаарынын мэри Кубанычбек Кулматов, вице-мэр Айгүл Рыскулова, шаардык кеңештин депутаты Марат Аманкулов, мектептин директорлору, ата-энелер жана бүтүрүүчүлөр катышты.

75 бүтүрүүчүгө даярдалган медалдар.

Аземдин ачылышында ак бий тартууланды.

Камералык оркестр салтанаттуу иш-чарага келгендерди жагымдуу ыргактары менен тосуп алды.

Бүгүн, 24-июнда Бишкектеги А.Малдыбаев атындагы Кыргыз улуттук опера-балет театрында 2013-2014-окуу жылын артыкчылык менен аяктаган 75 мектеп бүтүрүүчүсүнө өзгөчө үлгүдөгү аттестат тапшыруу салтанаты өткөрүлдү. Иш-чарага Бишкек шаарынын мэри Кубанычбек Кулматов, вице-мэр Айгүл Рыскулова, шаардык кеңештин депутаты Марат Аманкулов, мектептин директорлору, ата-энелер жана бүтүрүүчүлөр катышты. Аземдин жүрүшүндө калаа башчысы бүтүрүүчүлөрдү куттуктап, аларга жаркын келечек каалады.

“Сиздер учурда жакшы каалоо-тилектерди кабыл алып жатасыздар. Бул бекеринен эмес. Балалыкты артка калтырып, турмуштун узак жолуна бет алдыңыздар. Бул жерде жаштардын элитасы турасыздар, ошондуктан сиздер менен сөзүбүз олуттуу болот. Сиздердей адамдарга чындыкты айтуу зарыл. Турмуштун чындыгы ачуу, жашоодо ийгиликке жетише албай, адилетсиздикке кабылып, кайгырган учурлар да болот. Мындай учурда күчтүү эрк, кажыбас кайрат гана бардык кыйынчылыктарды жеңе алат. Сиздер менен бирге өлкөбүз, сүйүктүү Бишкек шаарыбыз кыйынчылыктарды жеңерине ишенем”,- деп белгиледи куттуктоо сөзүндө Кубанычбек Кулматов.

“Бүгүнкү күн мен үчүн сыймык. Анткени күнү-түнү талыкпай окуган кызым өзгөчө үлгүдөгү аттестаттын ээси болуп отурат. Бул мугалимдердин талыкпас эмгегинин үзүрү. Мына ушул инсандар таланттуу, ийгиликтүү, максаттуу жаштарды тарбиялап келишет. Ошондуктан мен ардактуу кесиптин ээлери болгон мугалимдерге ыраазычылык билдиргим келет”,- дейт бүтүрүүчүнүн апасы Асел Кубанычбек кызы.

“Бизди бактылуулукка жеткирген инсандар - биздин ата-энелер жана ардактуу агай-эжелер. Биздин инсан болуп калыптануубузга алар эбегейсиз салым кошкон. Бизге берген таалим-тарбия, билим үчүн аларга абдан ыраазыбыз. Келечекке кадам таштап жатып, кийинки муундун балдарына бактылуу балалыкты, коомубуздун өнүгүп-өсүшүнө чоң салым кошуп, жаркын келечек үчүн иштээрибизге ишенебиз. Ошондой эле өзүбүздүн аракетибизди айтып кетүү керек. Бул жерде отурган ар бир окуучу 11 жыл бою өзүнүн эң жакшы сапатын көрсөтүү менен ушундай жыйынтыкка жетишишти. Урматтуу артыкчылык аттестатынын ээлери, биздин алдыбызда эң чоң жоопкерчилик турат. Ошондуктан мындан аркы жашообузда андан чоң ийгиликтерге жетишип, коомдун өнүгүшүнө салым кошкон асыл инсандардан болууга чакырам”,- деп бардык бүтүрүүчүлөрдүн атынан Бегимай Саитова куттуктап өттү.

Кошумчалай кетсек, иш-чарада чакан концерттик программа уюштурулду.

Автор: Динара Абдыкадырова
Фото: Динара Абдыкадырова

12:57 24-06-2014

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 1029 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1105 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1319 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1302 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 702 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2494 0

Архив

Комментарийлер (3)

lily27

2014-06-24 13:19:45

Былтыркы кече сонун болгон. Ресторанда дуйум тамактар, жаш шайыр ырчылар менен кошо. Кулматов акчасын аяган экен.

-2

Брэд

2014-06-24 13:43:02

Кечиресинер го бирок тиги Айгул рыскулова беле и ошол айым, анан анын жанындагы эки эжекелер, кийиминерге асылайын деген ой жок, но кантесинер кыйчалаштыра отурсанар деле болмок! Тем более жаш бутуруучлордун алдында. Кийим-кечеге да караш керек да кичине же отурганда туз отуруш керек. ушул айымдын суроттору коп экен, "эркекче" отурган озу.

Aisanat

2014-06-24 14:06:57

Брэд, аркы екоо жакшы еле отурушат. Берки еже мини кийгенге алдынкы катарга отурганга жараша талтайбай отурса болмок екен. Бир аз кымтыланып.

Комментарий калтыруу үчүн өз ысымыңыз менен кириңиз же каттоодон өтүңүз.