Активисттер Бишкектеги сейил бактардагы курулуштарга каршы чыгышууда

“Акыркы он жылдын ичинде коррупциянын айынан Бишкектеги сейил бактардын жалпы аянты 45 пайызга кыскарып кетти”,- деди бүгүн, 24-июндагы маалымат жыйынында Укук коргоо түзүмдөрүнүн эксперттик кеңешинин башчысы Кайрат Осмоналиев.

Анын айтымында, сейил бактарда курулуштарды токтотуш үчүн саясий эрк жана адилеттүү соттук саясат керек. “Ушул маселе боюнча бир топ аткаминерлердин кызыкчылыктары бар. Анткени алар сейил бактарда жер тилкелерине ээ. Бул көйгөйдү чечүү үчүн 50 жарандык активист чыкса жетиштүү деп ойлойм. Бирок 50 да адам чыкпай жатат. Албетте, биз Бишкектеги курулуштарга каршы эмеспиз, бирок турак үйлөрдү башка жерлерге курууну сунуштаар элем. Мисалы, аэропортту көздөй жолдо ири аянттар бар”,- деди активист.

Автор: Нургазы Аматов
Фото: Нургазы Аматов