Депутаттар дыйканчылык иштерин өз учурунда баштоо үчүн каражатты эртерээк бөлүүнү сунуштоодо

Бүгүн, 17-январдагы ЖКнын жыйынында депутат Мамытбай Салымбеков өкмөттүн өкүлүнөн жазгы талаа иштерине каражатты азыртадан баштап бөлүүнү суранды.”Былтыр каражат кеч бөлүнүп, жазгы талаа иштери кеч башталган” дейт депутат. Анын айтымында, өлкөнүн түштүк аймакта жазгы талаа иштери февраль айында эле башталгандыктан, Каржы министрлиги айыл чарбасына каралган каражатты ушул тапта бөлсө, дыйкандар талаа иштерин кечиктирбей баштамак. Депутат Дамира Ниязалиева да бул сунушту колдоого алып, өкмөттөн бул маселени тездетүүнү суранды.

Автор: Гүлмайрам Сабырбекова