Жалал-Абадда Токтогул Сатылгановдун 150 жылдык мааракеси белгиленди

25-июнда Жалал-Абад шаардык мэриясынын чоң жыйындар залында Токтогул Сатылгановдун 150 жылдыгына карата иш-чара болуп өттү. Бул тууралуу бүгүн, 26-июнда мэриянын басма сөз кызматы билдирди.

Ага мекеме-ишканалардын өкүлдөрү, шаар тургундары катышты. Иш-чаранын жүрүшүндө маданият бөлүмүнүн кызматкерлери тарабынан Токтогул Сатылгановдун ырлары жандуу ырдалып, келген конокторго тартууланды. Вице-мэр Тайырбек Чойбековдун айтымында, улуу акындын 150 жылдыгына арналган бир айлык жүрүп жатат. Учурда Барпы театрында бул иш-чараны жогорку деңгээлде өткөрүүгө даярдык көрүлүүдө.

Автор: Айсана Паизова