Атайын рейддин жүрүшүндө 116 жол эрежесин бузуу фактысы катталган

27-июнда Чүй облусунун аймагында ИИМдин Жол-кайгуул кызматы жол кырсыктарынын алдын алуу максатында жүргүзгөн рейддин жыйынтыгында 116 жол эрежесин бузган факты катталды. Бул тууралуу бүгүн, 30-июнда аталган мекеменин басма сөз кызматынан кабарлашты.

Маалыматка ылайык, анда 2 автоунаа айып жайга токтотулду. Андан ташкары төмөнкүдөй эреже бузуулар катталган:

* Мас абалында унаа башкаруу фактысы - 2;

* Терезеси караңгылтылган унаалар - 8;

* Тиешелүү документтери жоктор - 1;

* Жогорку ылдамдыкта бара жатып токтотулгандар - 83;

- Тиешелүү жайдан каттоодон өтпөгөн унаалар - 2;

- Жол көзөмөлдөө кызматынын кызматкерине баш ийбөө - 5;

- Башка эреже бузуулар - 15.

Автор: Максат Кудайбердиев