Бишкекте япон маданияты Танабата фестивалы аркылуу көрсөтүлөт

5-июлда Бишкекте Танабата фестивалы өткөрүлөт. Бул тууралуу Кыргыз-Япон өнүктүрүү борборунун басма сөз кызматы билдирди.

Танабата - япон салтындагы өзүнүн романтикасы жана кылымдык тарыхы менен суктандырган сүйүүнүн жана үмүттүн майрамы. Фестиваль чыгыш мамлекеттеринин мыкты салтына ылайык өткөрүлөт. Катышуучуларга Токуучу менен Малчынын асмандагы дарыянын суусу менен бөлүнүп калган сүйүүсүн баяндаган уламыш көрсөтүлөт. “Катышуучуларга бул күнү бамбуктун бутагынан ар кандай кооздуктарды жасаганга мүмкүнчүлүк түзүлөт. Ошондой эле Танабата күнүнө арналган салттуу ырым-жырымына ылайык, коноктор тандзаку аттуу ар түстүү кагаздарга жазылган каалоо-тилектерин бамбуктун бутактарына илишет”,- деп билдиришет уюштуруучулар.

Автор: Динара Абдыкадырова