Ырчы Гүлнур Сатылганова Ашхабад шаарында өткөн Маданият фестивалына катышты (фотолор)

Түркмөнстандын Ашхабад шаарында өткөн түрк тилдүү мамлекеттердин Эл аралык маданият фестивалына КРнын Эл артисти Гүлнур Сатылганова катышып кайтты. Бул тууралуу бүгүн, 3-июлда ырчы SUPER.KG порталына билдирди.

Фестиваль 28-июндан 1-июлга чейин өткөрүлгөн. Ага Казакстан, Өзбекстан, Тажикстан, Азербайжан, Түркия, Босния жана Герцеговина, Эфиопия жана башка мамлекеттерден барган 20дан ашык элге эмгеги сиңген артисттер таланттарын тартуулашкан.

“Буюрса, аман-эсен мекенибизге кайтып келдик. Бир жума бою Түркмөнстанда Маданият күнүнө арналган чоң концертке катыштым. Алардын концерттик сахнасы укмуш экен. Ал жерге орнотулган ошондой чоң экранды мен эч бир жерден көргөн эмесмин. Анын узундугу 54, туурасы 26 метр экен. Биринчи күнү "Керемет дүйнө" ырын аткардым.

Экинчи күн Түркмөнстандын президентинин туулган күнүнө туш келип, ага арналган чоң концерт уюштурулду. Анда “Санат” жана “Ашыктык” ырларын аткардым. Көрүүчүлөр жакшы кабыл алышты. Ашхабадга биринчи жолу бардым, абдан кооз, таза, жомоктогудай шаар экен. Үйлөрү жалаң мрамордон салынып, өнүгүп келатыптыр. Аба ырайы чөлдөй эле ысык болгондуктан, күндүз сыртта баса албайсың. Бул иш-чарага биздин өлкөдөн делегат болуп Кыргызбай Осмонов барган. Ал эми Эркин Рыскулбеков мага жардам берип, продюсер катары барып келди”,- дейт Гүлнур Сатылганова.

Автор: Динара Абдыкадырова
Фото: Гүлнур Сатылганованын интернеттеги өздүк баракчасынан алынды

11:27 03-07-2014

Жазылуу

РУБРИКАДАГЫ СОҢКУ КАБАРЛАР

14:49 2025-05-09 | Коом жана турмуш

ЖЫЛНААМА, 9-МАЙ: Мындан 80 жыл мурун Советтик армия Улуу Ата Мекендик согушта жеңишке жеткен 62 0

13:55 2025-05-09 | Коом жана турмуш

SUPER.KG порталы кыргыз элин Улуу Жеңиш күнү менен куттуктайт 111 0

13:52 2025-05-09 | Супер-Инфо

“Акчанын айынан ооруканага жетпей жүрөбүз” 124 0

13:47 2025-05-09 | Коом жана турмуш

Жеңишке 80 жыл: Кыргызстандыктарды бир катар өлкөлөрдүн башчылары куттукташты 126 0

13:29 2025-05-09 | Коом жана турмуш

Жеңишке 80 жыл: Оштогу “Өчпөс от” комплексине гүлчамбар коюлду 210 0

13:24 2025-05-09 | Супер-Инфо

Арина Исакова, актриса: «Жолдошум мени таң калтырып бүтпөйт...» 223 0

Архив

Комментарийлер (8)

ekaterinburg

2014-07-03 12:11:05

Чынында эле кооз шаар экен деп койдум.Гулнур эже да улуттук кийим кийип чыгып койсо деле эч нерсе дебейт элем.Шокуло-мокуло,такыя-макыя дегендей...

-6

aitysha-91

2014-07-03 13:23:40

Ушул силердин коро албаганынар сындаганынарчы озунун башындагы тоону корбой бироонун башындагы чопту коросунор

mi-li-na

2014-07-03 13:51:06

Гулнур эжесиз кыргыз сахнасын элестетуу мумкун эмес, ийгилик сизге Гулнур эже, кыргыздын жузу болуп, кыргыздын жузун таанытып журо бериниз!!!

+17

fanisa

2014-07-03 14:02:06

Гульнур эже эмне учун Айчурок Иманалиевадай болуп эл аралык калыстар тобунда отурбайт? Кыргызстандан барып жаткан сон улуттук кийим кийсе болмок экен. Гульнур эже жакшы, бирок Айчурок биздин кыргыз эстрадасынын примадоннасы. Айчурок эже башкача.

misha00

2014-07-03 15:58:01

койгулачы примадоннанарды

ayka.1991kg

2014-07-03 19:36:22

Гулнур ежекеме ечким жетпейт айткандар озунор кийинип чыга бергиле гулнур ежедей болуп биринчи ушунча нерсеге жетип алгылачы

depu

2014-07-04 00:32:38

Гулнур айым озу билет,кайсыл жерде кандай журушун. Озунун билимдуу чыгармачыл тобу бар. Командасы мыкты.

galaxyS4

2014-07-04 07:13:42

gulnur Satylganova jonundo bolup jatsa bul makala kayaktagy AICHUROKTU ne kowup jatasynar tywynbodum ? ar bir adamdyn oz ordu bar da ... al myndai bul myndai myndai kuluw kerek ele dewten bawka nerse dewti bilbeibiz

Комментарий калтыруу үчүн өз ысымыңыз менен кириңиз же каттоодон өтүңүз.