Улуу Британиянын мураскери, ханзаада Чарльз жубайы Камилла Паркер Боулз менен ажырашканы жатат

Улуу Британиянын 65 жаштагы мураскери, ханзаада Чарльз 66 жаштагы жубайы Камилла Паркер Боулз менен ажырашканы жатат. Бул тууралуу бүгүн, 4-июлда чет элдик басылмалар жазып чыгышты.

Маалыматка таянсак, британиялык тактын мураскери болуунун тизмегинде биринчи орунда турган ханзаада Чарльз мындан көп өтпөй, эгерде ага мураскер болуу мезгили келсе, ал таажыны тун уулу, ханзаада Уильямга өткөрүп берерин жубайы Камилла Паркер Боулзга билдирген. Бул чечимин Улуу Британияны башкарууга улгайып калганы менен түшүндүргөн. Буга ачуусу келген Камилла күйөөсүнүн чечимин четке каккан.

Мындан улам ханыша Елизавета келинин ачык сүйлөшүүгө чакырган. Сүйлөшүү жабык эшик артында өтсө да, бул маалымат ал жерде иштеген кызматкерлерге белгилүү болгон. Анда тынчыбаган Камилла ханыша Елизаветага баласы менен ажырашарын, андан соң падышалык үй-бүлөнүн сырларын жаярын айтып коркуткан. Ал эми ханыша өз кезегинде ага кийимдерин чогулта берүүсүн билдирген.

Автор: Динара Абдыкадырова
Фото: Интернеттен алынды