Азия медициналык институту депутат Дамира Ниязалиеваны сотко берет

Азия медициналык институту ЖКнын депутаты Дамира Ниязалиеваны сотко берүүгө ниеттенүүдө. Мындай кадамга депутаттын 15-январда ЖКнын жыйынында айткан жалган жана негизсиз сөздөрү себеп болгонун аталган институттун проректору Ренат Залкарниев 18-январда маалымат жыйынында билдирди. Анын айтымында, депутат айым бул институтту "сапатсыз билим берет жана дипломдорду сатат" деп сындаган. "Бул окуу жайда медицина илимдеринин 6 профессору, 11 илимдин кандидаты иштейт жана бир катар чет өлкөдөн келген студенттер окушат. Учурда жалпы 383 студент билим алып, 2014-жылы алгачкы бүтүрүүчүлөр диплом алат",- дейт проректор.

Автор: Гүлмайрам Сабырбекова