Жалал-Абадда ден соолугунун мүмкүнчүлүгү чектелгендер эс алууга жиберилүүдө

Жалал-Абад облусунун Майлы-Суу шаардык социалдык өнүктүрүү башкармалыгында жалгыз бой жашаган жана ден соолугунун мүмкүнчүлүгү чектелген 6 жаран каттоодо турат. Бул тууралуу бүгүн, 10-июлда шаардык мэриянын басма сөз кызматы билдирди.

Маалыматка ылайык, алардын ар бирине социалдык кызматкерлер бекитилип берилген. Ошондой эле дары-дармектерин, тамак-аш азыктарын алып келип берүүгө, үйлөрүн тазалап-жыйноого, коммуналдык төлөмдөрүн төлөөгө жардам беришет.

Андан сырткары Шаардык социалдык өнүктүрүү башкармалыгы тарабынан 17 ден соолугунун мүмкүнчүлүктөрү чектелген адамга «Кыргызстан», «Ысык-Ата», «Мамакеева», «Жалал-Абад» деген санаториялык курортторуна жолдомолор берилди. 1-агым 20 күнгө, 2-агым 10 күнгө, 3-агым 6-күнгө июль ичи эс алууга барышат.

Автор: Айсана Паизова