Ош. Завод жылына 78 миң даана кир жуугуч машина чыгарып, экспорттоону пландоодо

Ош шаарынын вице-мэри Замир Аскаров.

Ош шаарында бүгүн, 1-декабрда кир жуугуч жана муздаткычтарды чыгаруучу кыргыз-кытай биргелешкен "Жим-Мей" заводунун расмий ачылыш аземи болуп өттү. Бул тууралуу SUPER.KG порталына Ош шаарынын вице-мэри Замир Аскаров билдирди.

"Кир жуугуч жана муздаткычтарды чыгаруучу "Жим-Мей" заводу кыргыз-кытай биргелешкен үчүнчү ишкана болуп саналат. Буга чейин шаар аймагында жеңил типтеги үйлөрдү куруу жана гипсокартон чыгаруучу кыргыз-кытай биргелешкен ишканасы да ачылган болчу. Заводдун ачылыш аземине бийлик жетекчилигинин бир катар өкүлдөрү жана Өзбекстан менен Тажикстандын да бизнес тармагынын өкүлдөрү катышты. Учурда эртең Өзбекстанга 410 даана кир жуугуч машинаны алып кетүү боюнча сүйлөшүүлөр жүргүзүлдү",- дейт З.Аскаров.

Белгилүү болгондой, аталган заводдо Ош шаарынын 45 тургуну атайы чакырылган кытай адистери тарабынан окутулган. Учурда заводдо эмгектенген кызматкерлердин саны 45тен 60ка чейин көбөйтүлгөн. Баса белгилеп кетүүчү жагдай, күнүмдүк өндүрүштүк кубаттуулугу 250 даана, айына 6500, жылына 78 000 даана кир жуугуч машиналары чыгарылып, Ош шаарынын тургундарына 250 жумуш оруну түзүлөт.

"Заводдун ишке кириши менен айына 35,5 миллион сом же жылына 426 миллион сомдук товардык продукция чыгарууга өндүрүштүк кубаттуулугу мүмкүндүк берет. Чыгарылган кир жуугуч машиналардын 80 пайызы экспортко багытталып, Казакстан, Тажикстан жана Өзбекстанга экспорттоо боюнча сүйлөшүүлөр жүрүүдө. Аталган ишкана кир жуучу машиналарды жана 2015-жылдан тартып муздаткычтарды чыгарууга багытталган",- деп белгилешти шаардык мэриядан.

Иш-чарага Ош шаарынын мэри Айтмамат Кадырбаев баш болгон мэриянын өкүлдөрү, шаардык депутаттар кеңешинин төрагасы Улан Примов, өкмөттүн облустагы өкүлчүлүгүнүн кызматкерлери, Кытай Эл Республикасынын Ош шаарындагы башкы консулу У Инцинь, заводдун жамааты жана шаар тургундары катышышты. Эске салсак, “Жим-Мей” заводун ишке киргизүүгө жалпысынан 5 миллион доллар сарпталган.

Автор: Мальвина Уметбекова
Фото: Мэриянын басма сөз кызматы

16:02 01-12-2014

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 176 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 275 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 575 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 531 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 371 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2144 0

Архив

Комментарийлер (5)

12.12.12

2014-12-01 16:27:54

Биримдикке кирсен кытайлар болгон заводун Кыргызстанда эле ачып алышат го ээ))). Албетте жагымдуу жанылык. Кобойо берсин.

AZIK01

2014-12-01 17:26:49

Оштун кайсыл жерине курулганын да, жазып өтсөңүздөр жакшы болмок. Каеринде экен ээ?

aiba91kg

2014-12-02 02:41:38

Мына заман онолот деген ушул да.кудай буйруп Манас атабыздын арбагы колдосо баары жакшы болот((

Manasemetei

2014-12-02 04:16:52

koldosun bizdi uluu atalarybyz ansyzda kop urulup sogulduk,tentirep kyinaldyk.karangylykta alysta korungon bir jarykka okwop owoljaryktykka asta jakyndap baratkandaibyz .Kyrgyzstan onolot.

aza_74

2014-12-03 18:03:48

баалары кандай болот экен?

Комментарий калтыруу үчүн өз ысымыңыз менен кириңиз же каттоодон өтүңүз.