Ысык-Көл облусунда күчү 4,5 баллга жеткен жер титирөө болду

Ысык-Көл облусунда 7-декабрь күнү саат 04:57де күчү 4-4,5 баллга жеткен жер титирөө болду. Улуттук илимдер академиясынын Сейсмология институтунун маалыматы боюнча, жер титирөөнүн очогу Кыргызстандын аймагында Тескей Ала-Тоо тоо кыркаларында, Жети-Өгүз курортунан 30 чакырым түштүк-чыгышта, Каракол шаарынан 45 чакырым түштүк-чыгышта жайгашкан. Жер силкинүүнүн күчү Жети-Өгүз курортунда 3,5 балл, Каракол шаарында 3 балл болгону айтылды. Алдын ала алынган маалыматтар боюнча, кыйроолор жана адам өмүрүнө зыян келтирилген фактылар жок.

Автор: Автандил Добулбеков