Бишкекте мамлекеттик гербдин 20 жылдыгына арналган жыйын болуп өттү

Бишкек шаарында Казы Дыйканбаев атындагы Дипломатиялык академияда КРнын Мамлекеттик Гербинин бекитилгендигинин 20 жылдыгына арналган “Герб - өлкөнүн символу” аталышындагы тегерек стол болуп өттү. Бул тууралуу бүгүн, 17-декабрда Тышкы иштер министрлигинин басма сөз кызматынан билдиришти.

“Тегерек столдун алкагында тарыхчы-окумуштуулар менен адистер КРнын мамлекеттик символдору: герб, туу жана гимндин мааниси жана түзүлүү тарыхы жөнүндө кеңири сөз кылышты”,- деп айтылат маалыматта.

Иш-чарага Тышкы иштер министрлигинин кызматкерлери, окуу жайлардын студенттери, магистранттар жана Дипломатиялык академиянын профессордук-окутуучулук курамы катышты.

Автор: Мальвина Уметбекова
Фото: ТИМдин басма сөз кызматы