2015-жылдан баштап Бишкектин тургундарын флюорографиялык бөлмөсү бар унаа тейлейт

2015-жылдан баштап Бишкек шаарынын жашоочуларын жана жаңы конуштардын тургундарын флюорографиялык бөлмөсү бар унаа тейлейт. Бул тууралуу шаардык мэриянын басма сөз кызматы билдирди.

Белгилүү болгондой, Бишкектеги Саламаттыкты сактоо департаменти менен "Цадмир" ЖЧКсы медициналык унаа алуу боюнча 10 жылга келишим түзүшкөн.

Унаа заманбап медициналык жабдуулар менен камсыздалган. Анда флюорография-рентгендик стационардык аппарат, бактерициддик лампа, кондиционер жана эмеректер бар. Ал январь айынан тартып жаңы конуштардагы калкка кызмат көрсөтө баштайт. Дарыгерлердин айтымында, мындай шарт кургак учукту дарылоого жардам берет.

Автор: Айпери Ганыжан кызы