Жылнаама

2- Август 1981 -жылы V чакырылыштагы КСДП фракциясынан Жогорку Кеңештин депутаты Ыргал Кадыралиева төрөлгөн

V чакырылыштагы КСДП фракциясынан Жогорку Кеңештин депутаты Ыргал Кадыралиева Ош облусунун Өзгөн районундагы Куршаб айылында туулган.

Жогорку билимдүү. 2003-жылы Ош мамлекеттик университетинин филология факультетин кызыл диплом менен бүтүргөн.

Эмгек жолун 2003-жылы А.Тангатаров атындагы интернат-гимназияда кыргыз тили мугалими болуп иштөөдөн баштаган.

2003-2006-жылдары - Ош мамлекеттик университетинин аспиранты.

2004-2007-жылдары Ош облустук билим берүү башкармалыгында алдыңкы адис болуп иштеген.

2009-жылы "Биз биргебиз" аттуу коомдук уюмду негиздеп, республиканын деңгээлинде жаштарды бириктирип, бир топ иш-чараларды жасап келген.

2010-жылы “Жаштар демократиялык партиясы” саясий партиясын негиздеп, анын төрайымы болуп, Кыргызстандагы коомдук, экономикалык, саясий жана маданий иштерге активдүү катыша баштаган.

2010-жылдын 10-октябрында Кыргызстан социал-демократиялык партиясынын тизмеси боюнча V чакырылыштагы Кыргыз Республикасынын Жогорку Кеңешине депутат болуп шайланган. Жогорку Кеңештин Социалдык саясат боюнча комитетинин мүчөсү.