Жылнаама

12- Сентябрь 1948 -жылы V чакырылыштагы “Ата Журт” саясий партиясынын тизмеси боюнча Жогорку Кеңештин депутаты Роман Шин туулган

V чакырылыштагы “Ата Журт” саясий партиясынын тизмеси боюнча Жогорку Кеңештин депутаты Роман Шин Казак ССРинин (Казакстан Республикасынын) Талды-Коргон областындагы Уш-Төбе станциясында төрөлгөн.

Жогорку билимдүү. 2004-жылы И.Арабаев атындагы Кыргыз мамлекеттик педагогикалык университетинин Экономика жана менеджмент факультетин бүтүргөн.

1968-1970-жылдары Советтик Армиянын катарында мөөнөттүү кызмат өтөгөн.

Эмгек ишмердүүлүгүн 1970-жылы Республикалык транспорттук-экспедициялык башкармалыгынын транспорттук бөлүмүнүн диспетчер-механиги болуп иштөөдөн баштаган.

1976-1981-жылдары “Кыргыз ССРинин 50 жылдыгы” атындагы Прибор жасоо заводунда лаборант, улук лаборант, лаборатория жетекчиси болуп иштеген.

Роман Шин 1981-1987-жылдары Республикалык илимий-методикалык борбордо чарба башчысы, 1988-жылы – Казак ССРинин Ак-Төбе областында койчулук бригадасында жумушчу,

1988-1992-жылдары жеке ишкердик менен алектенген.

Ал эми 1992-1994-жылдары – “Сеул” жеке фирмасынын директору,

1994-2005-жылдары – “КОРТ ЛТД” ЖЧКна караштуу “Эльдорадо” бизнес-борборунун президенти,

2005-2010-жылдары – III жана IV чакырылыштардагы Кыргыз Республикасынын Жогорку Кеңешинин депутаты.

2010-жылдын октябрында “Ата-Журт” саясий партиясынын тизмеси боюнча V чакырылыштагы Кыргыз Республикасынын Жогорку Кеңешинин депутаты болуп шайланган. Жогорку Кеңештин Коррупцияга каршы аракеттенүү боюнча комитетинин мүчөсү.

Роман Шин “Даңк” медалы (2000-ж.), Кыргызстан менен Корея Республикасынын ортосунда кызматташууну өнүктүргөндүгү үчүн Корея Республикасынын алтын медалы (1998-ж.) менен сыйланган. Кыргыз Республикасындагы корейлер коомдук бирикмесинин ардактуу президенти.