Жылнаама

2- Октябрь 1852 -жылы шотландиялык химик Уильям Рамзай төрөлгөн

Шотландиялык химик, 1904-жылдын химия боюнча "Нобель" сыйлыгынын лауреаты Уильям Рамзай Шотландиянын Глазго шаарында төрөлгөн. Билимди Глазгодогу академиядан алган. Ал жакты аяктап, ошол эле шаардагы университетте Томас Андерстин жетекчилигинде химияны изилдөөнү уланткан. Вильгельм Фиттигдин жетекчилигинде Тюбинг университетинде аспирантурадан окуп, "Толуол жана нитротолуол кислоталарын изилдөө" деген темада диссертациясын коргогон.

Глазгого кайтып, Томастын ассистенти болгон. 1879-жылы Бристолдун университетинде химия боюнча профессору болуп калган. Ошол эле жылы университеттин ректору болуп дайындалган, бирок ага карабай өзүнүн изилдөөлөрүн уланта берген. 1887-жылы Лондон университетине химия кафедрасына которулган. Дал ушул университетте негизги ачылыштары болгон. 1894-жылдын апрель айында Рэлей менен биргеликте иштешмей болуп, август айында Рамзай аргон аттуу газды ачкан. Кийинки жылдары криптон, ксенон жана неон инерттүү газдарын ачкан.

Эксперименттердин айынан Рамзай көптөгөн радиоактивдүү нурланууга кабылган. Жыйынтыгында Рамзай 1916-жылы 23-июлда мурдунан рак болуп каза болгон.