Жылнаама

12- Октябрь 1933 -жылы акын, сатирик Жапаркул Алыбаев туулган

Акын, сатирик Жапаркул Алыбаев Чүй районундагы Бириккен айылында туулган. 1947-жылы айылдык мектептин 7-классын бүтүргөндөн кийин, 1947-1950-жылдары Фрунзе шаарындагы педагогикалык окуу жайында окуган. Окуусун аяктаган соң 1951-жылга чейин мугалимдик кесипте иштеген. Ал эми 1951-1956-жылдары Фрунзедеги Кыргыз мамлекеттик университетинде окуп, филология факультетин ийгиликтүү бүтүрүп чыккан.

1956-1965-жылдары - “Чалкан” журналына адабий кызматкер, Ош областы боюнча кабарчы;

1965-1968-жылдары - Ош областтык “Ленин жолу” гезитинин адабий кызматкери;

1968-1969-жылдары - “Кыргызстан маданияты” жумалыгынын адабий кызматкери;

1969-1972-жылдары Кыргыз Совет энциклопедиясынын башкы редакциясында тил жана адабият боюнча ага редакторлук милдет өтөгөн.

Ж.Алыбаевдин чыгармалары 1954-жылдан тарта республикалык гезит-журналдарда үзгүлтүксүз жарыялана баштаган. Ал 7 ыр жыйнактын автору. Акындын ырлары орус, украин, беларусь тилдеринде жана Чехословакиянын Братислава шаарында чыгуучу “Рогач” журналында словак тилинде чыккан “Крокодил”, “Украина”, “Вожик” журналдарында басылган.

Жапаркул Алыбаев 1958-жылдан СССР Журналисттер союзунун, 1970-жылдан СССР Жазуучулар союзунун мүчөсү.