Жылнаама

7- Апрель 2010 -жылы Курманбек Бакиевдин авторитардык режими кулап, бул күн Элдик революция күнү болуп калган

2010-жылы 7-апрелде нааразы болгон эл бийликке каршы чыгып, мунун соңу Курманбек Бакиевдин авторитардык режиминин кулашына алып келген. Бул күнү түштөн кийин 80ден ашык жаран окко учуп, миңден ашык адам түрдүү татаалдыктагы жаракаттарды алган.

Кийинки жылы, тактап айтканда, 2011-жылдын 17-ноябрында Жогорку Кеңештин депутаттары кезектеги жыйында "7-Апрель – Элдик Апрель революциясы күнү жөнүндө" мыйзам долбоорун бир добуштан кабыл алышкан.

Депутат Исмаил Исаковдун айтымында, 2010-жылдагы курман болгон баатырларды эскерүү жана өлкөнүн жаштарын патриоттук сезимдерге тарбиялоо максатында бул мыйзам долбоору иштелип чыккан.