Жылнаама

19- Январь 1956 -жылы 5-чакырылыштагы “Ар-намыс” фракциясынан Жогорку Кеңештин депутаты Игорь Гусаров туулган

5-чакырылыштагы “Ар-намыс” фракциясынан Жогорку Кеңештин депутаты Игорь Гусаров Орусиянын Саратов шаарында туулган.

Игорь Гусаров жогорку билимдүү, 1977-жылы Кыргыз мамлекеттик дене тарбия институтун бүтүргөн.

Ал эми 1977-1979-жылдары Советтик армиянын катарында кызмат өтөгөн.

Игорь Гусаров эмгек жолун 1979-жылы балдардын спорттук мектебинде машыктыруучу-окутуучу болуп иштөө менен баштаган. 1982-жылы коммерциялык түзүмдөрдө жетекчи болуп иштеген. Кыргыз Республикасынын кикбоксинг федерациясынын, “Кикбоксинг баңгизатка каршы” коомдук фондунун уюштуруучусу, 1992-2010-жылдары - федерациянын жана коомдук фонддун президенти.

2010-жылдын октябрында “Ар-намыс” саясий партиясынын тизмеси боюнча V чакырылыштагы Кыргыз Республикасынын Жогорку Кеңешинин депутаты болуп шайланган. Жогорку Кеңештин Транспорт, коммуникациялар, архитектура жана курулуш боюнча комитетинин мүчөсү.