Жылнаама

2- Июль 1566 -жылы Франциялык астролог жана дарыгер Нострадамус көз жумган

Франциялык астролог жана дарыгер Нострадамус подагра оорусунан каза болгон.

Фармацевт, алхимик, өзүнүн алдын ала айткандыгы менен белгилүү болгон, Нострадамус аты менен таанылган Мишель де Нострдам 1503-жылы 14-декабрда туулган.

1518-жылы Нострадамус Авиньонго окууга барат. Ал жактан музыка, логика, риторика, грамматика, астрология, астрономия, геометрия, арифметика илимдерин окуган. 1519-жылы Нострадамус чуманын дарысын табам деп окуусун таштап кеткен. Анын кийинки 8 жыл биографиясы белгисиз.

1529-жылы ал медициналык факультетке тапшырып, 1534-жылы аяктаган. Нострадамус Германия жана Италияда саякаттаган. 1544-жылы Марсельде врачтык практикасын жаңылап, 1546-жылы Франциядагы Экс-ан-Прованста чума менен алышкан. Өз жанын аябай эмгектенгени үчүн Экс-ан-Прованстын парламенти өмур бою пенсия төлөгөн.

1555-жылы Нострадамус өзүнүн алгачкы астрологиялык адабий чыгармаларынын жыйнагын жарыялаган. Ошол эле жылы Лиондо Центурий китеби жарык көргөн. Бул китепте ал адамзаттын келечектеги тарыхын жазган.

1561-жылы ал гугенотторго каршы болгон католиктердин араң качап кутулган. Ушул жылы Нострадамусту бийлик Карл IXнун тагдырын айтып берүүнү талап кылып, үй камагына алышкан.