Жылнаама

6- Январь 1956 -жылы Мамлекеттик ишмер, экс-премьер Жантөрө Сатыбалдиев туулган

Мамлекеттик ишмер Жантөрө Сатыбалдиев Ош облусунун Өзгөн районуна караштуу Мырзаке айылында туулган. 1979-жылы Фрунзе политехникалык институтун бүтүргөн.

Эмгек жолун Алай жол-курулуш башмармалыгында мастер, прораб болуп баштаган.

1980–1985-жылдары - Өзгөн жол-курулуш башмармалыгында мастер, прораб, начальник.

1985–1992-жылдары – “Түштүкжолтранскурулуш” трестинин башкы инженери, башкаруучусу.

1992–1996-жылдары – Кыргыз Республикасынын Транспорт министринин биринчи орун басары.

1996–1997-жылдары – Бишкек-Ош автожолун реконструкциялоо жана эксплуатациялоо боюнча башкы дирекциянын башкы директору.

1997-1998-жылдары – Кыргыз Республикасынын Транспорт жана байланыш министри.

1998-2000-жылдары – Кыргыз Республикасынын Транспорт жана коммуникациялар министри.

2000-2001-жылдары – Ош шаарынын мамлекеттик администрациясынын башчысы.

2001-2003-жылдары – Ош облусунун Ош шаарынын жергиликтүү өз алдынча башкаруу башкармалыгынын башчысы – мэр.

2003-2004-жылдары – КР Президентинин электр-энергетикалык коопсуздук боюнча атайын өкүлү.

2005-2006-жылдары – Кыргыз Республикасынын Жогорку Кеңешинин депутаты.

2006-2007-жылдары – Ош облусунун мамлекеттик администрация башчысы – губернатор, президенттин түштүк регион боюнча өкүлү.

2010-2011-жылдары – КР Вице-премьер-министри – Ош жана Жалал-Абад шаарларын калыбына келтирүү жана өнүктүрүү боюнча мамлекеттик дирекциянын башкы директору.

2011-2012-жылдары – Кыргыз Республикасынын Президентинин аппарат жетекчиси.

2012-жылдын 6-сентябрынан 2014-жылдын 25-мартына чейин Кыргыз Республикасынын Премьер-министри болуп иштеген.

2014-жылдын 25-мартында Жантөрө Сатыбалдиев КРнын Премьер-министрлик кызматынан кеткен.