Жылнаама

2- Май 1965 -жылы Экс-министр Таалайбек Өмүралиев туулган

Таалайбек Өмүралиев Нарын облусунун Кочкор районунда туулган. Билими жогорку. 1986-жылы Алма-Ата жалпы аскердик командалык жогорку окуу жайын аяктаган. 2000-жылы Орусиянын Куралдуу күчтөрүнүн жалпы аскердик академиясын, 2009-жылы Орусиянын Куралдуу күчтөрүнүн Башкы штабынын аскер академиясын бүтүргөн.

Ал эми 1987-1988-жылдары Ооганстанда Советтик армиянын катарында милдет өтөгөн.

Таалайбек Өмүралиев мотоаткычтар взводунун командиринен баштап Кыргыз Республикасынын Коргоо министрлигинин Күжүрмөн даярдык боюнча башкармалыгынын башчысы кызматына чейин көтөрүлгөн.

2009-жылы Түштүк аскердик бирикменин кол башчысы, 2009-жылы ноябрь айынан тартып Кыргыз Республикасынын Коргоо министринин орун басары, 2010-жылы августтан баштап Кыргыз Республикасынын Куралдуу күчтөрүнүн Башкы штабынын башчысы болгон. Ал эми 2011-жылдын декабрь айынан 2014-жылдын апрелине чейин Кыргыз Республикасынын Коргоо министри болгон.