Жылнаама

11- Март 1973 -жылы Көк бөрү федерациясынын мурдагы президенти Жыргалбек Саматов туулган

V жана VI чакырылыштардагы "Ата Журт" фракциясынан Жогорку Кеңештин депутаты Жыргалбек Саматов Ош областынын Өзгөн районунда туулган.

Жогорку билимдүү. 1998-жылы Кыргыз мамлекеттик улуттук университетин "экономист" адиститиги боюнча, 2006-жылы Орусия Президентине караштуу П.А.Столыпин атындагы мамлекеттик кызматтын Поволжье академиясынын Юридика факультетин бүтүргөн. 2009-жылы Кыргыз Республикасынын ТИМине караштуу Дипломатиялык академиянын Эл аралык мамилелер факультетине тапшырган.

1996-2005-жылдары – жеке ишкер.

2005-2008-жылдары - Кыргыз Республикасынын Жогорку Кеңешинин Бюджет жана финансы боюнча комитетинин төрагасынын кеңешчиси.

2009-2010-жылдары – Кыргыз Республикасынын Өкмөтүнө караштуу Мамлекеттик каттоо кызматында УОИР башчысынын орун басары.

2011-жылы "Ата Журт" саясий партиясынын тизмеси боюнча V чакырылыштагы, ал эми 2015-жылы ошол эле "Ата Журт" саясий партиясынын тизмеси боюнча VI чакырылыштагы Кыргыз Республикасынын Жогорку Кеңешине депутаттыкка шайланган.

2018-жылдын июль айында өлкөдөгү Кө бөрү федерациясынын президенти болуп дайындалган. 2019-жылдын 27-февралында Көк бөрү федерациясынын региондордон келген делегаттары курултай өткөрүп, көпчүлүк добуш менен Саматов кызматынан алындган.

Курултайдын катышуучулары Астанада өткөн Көкпар боюнча Дүйнөлүк ассоциацияга барбай, Кыргыздын намысын талашпай койду деген жүйө келтиришкен. Ал өзү федерациянын башчылыгынан чукул жыйын менен кетирүү легитимсиз экенин айткан.