Жылнаама

22- Март 1977 -жылы V жана VI чакырылыштардагы Жогорку Кеңештин депутаты Улан Чолпонбаев туулган

V жана VI чакырылыштардагы Жогорку Кеңештин депутаты Улан Чолпонбаев Фрунзе шаарында туулган.

Жогорку билимдүү. 1997-жылы Кыргызстан эл аралык университетинин Дипломатия жана эл аралык укук факультетин бүтүргөн.

Эмгек ишмердүүлүгүн 1997-жылы “Манас” аэропортунун бажы терминалында инспектор болуп иштөөдөн баштап, 1998-жылдан тартып “Манас” аэропортунун бажы терминалында улук инспектору болуп эмгектенген.

Ал эми 2001-2003-жылдары “Галенфарм” ЖЧКсынын директору, 2003-2010-жылдары “Галенфарм” ЖЧКсынын коммерциялык директору болгон.

2009-2010-жылдары Монголия Эл Республикасынын Кыргыз Республикасындагы ардактуу консулу болуп иштеген.

2010-жылдын октябрында “Ата Журт” саясий партиясынын тизмеси боюнча V чакырылыштагы Кыргыз Республикасынын Жогорку Кеңешинин депутаты болуп шайланган. Жогорку Кеңештин Отун-энергетика комплекси жана жер казынасын пайдалануу боюнча комитетинин мүчөсү болгон.

Ал эми 2015-жылдын октябрь айында “Республика-Ата-Журт” саясий партиясынан Кыргыз Республикасынын Жогорку Кеңешинин VI чакырылышынын депутаты болуп шайланган.