Жылнаама

18- Февраль 1516 -жылы Тарыхта “Кандуу Мэри” деп аталып калган англиялык ханыша Мария I Тюдор туулган

Тарыхта “Кандуу Мэри” деп аталып калган англиялык ханыша Мария I Тюдор туулган. Бул ханышага атап мекенинде бир да эстелик тургузулган эмес (күйөөсүнүн туулган жери Испанияда Мариянын эстелиги орнотулган). Анын аты өлүм жазасына тартуулар менен бирге айтылып келет. Ал эми ханышанын каза болгон күнүн өлкөдө улуттук майрам катары да белгилеп келишкен.

37 жашында такка отурган Мария 16 жаштагы Жейн Грейди, анын күйөөсү Гилфорд Дадлини жана кайнатасы Жон Дадлини өлүм жазасына тарткан. Катаал мүнөздүү ханыша өзүнүн душмандарын бат эле доско айлантып алган. Мамлекетке католиктик ишенимди киргизип, монастрларды кайрадан оңдоону буюрган. Ал бийликте турган учурда протестанттардын басымдуу бөлүгү өлтүрүлгөн. 1555-жылы Англияда от жагылып, жалпысынан 300дөй адам өрттөнгөн. Алардын катарында иерархия өкүлдөрү, протестанттар болгон жана оттун жанында католик ишенимин кабыл алам дегендерге да ырайым кылынган эмес.

Мына ушулардын негизинде ханыша Елизавета I тактыга отурган соң, анын эжесине “Кандуу Мэри” деген лакап ат ыйгарылган. 1557-жылы калтыратма илдети Европаны каптай баштаган. 1558-жылы бул ооруга Мария да чалдыккан. Күн сайын оорусу күчөгөн “Кандуу Мэри” ошол жылы кеч күздө көз жумган. Анын сөөгү Вестминстерге коюлган. 1603-жылы көз жумган Елизавета да эжесинин жанына жерге берилген. Азыркы убакка чейин эже-сиңди жаткан жерде Елизаветанын гана эстелиги турат.