Жылнаама

22- Март 1955 -жылы Латвиянын экс-президенти Валдис Затлерс туулган

Латвиянын экс-президенти, Реформалар партиясынын лидери Валдис Затлерс Ригада туулган. Валдис Затлерс кесиби боюнча врач-травматолог-ортопед болгон. 1986-жылы Чернобыль АЭСиндеги аварияда жабыр тарткандарга жардам берген медиктердин алдыңкы катарында турган.

2007-жылы 22-майда Валдис Затлерстин талапкерлиги президенттике көрсөтүлгөн. Шайлоо ошол эле жылдын 31-майында өткөрүлүп, өлкөнүн Баш мыйзамы боюнча президент депутаттар тарабынан тандалмак. Парламенттеги 100 депутаттын 58и Валдис Затлерс үчүн добуш берип, ал өлкөнүн 7-президенти болуп шайланган. Валдис Затлерс бул постто 2011-жылдын 8-июлуна чейин отурган.