Жылнаама

29- Июнь 1964 -жылы Орусиялык жана грузин ырчысы, актёр Сосо Павлиашвили туулган

Орусиялык жана грузин ырчысы, актёр Сосо Павлиашвили Грузиянын Тбилиси шаарында туулган. Толук аты-жөнү - Иосиф Раминович Павлиашвили.

Сосо Павлиашвили 6 жашынан тартып скрипкада ойноону үйрөнө баштап, Тбилисидеги консерваториянын скрипка классын бүтүргөн. Армига барып келген соң, 24 жашынан тартып ырдай баштаган. Кийин "Иверия" ансамблине мүчө болуп кирип, 1 жылдай иштеген. 1989-жылы Юрмалада өтө турган сынакка катышып, баш байгеге ээ болгон.

Ал эми актёр катары өзүн сынап, "Новейшие приключения Буратино", "Потерявшие солнце", "Папины дочки" ж.б. тасмаларда роль жараткан.