Жылнаама

31- Январь 1969 -жылы Экс-депутат, экс-министр Аскарбек Шадиев туулган

Мамлекеттик жана саясий ишмер Аскарбек Шадиев Баткен облусуна караштуу Лейлек районундагы Голбо айылында туулган.

1988-жылы Фрунзе Политехникалык техникумун артыкчылык менен аяктап, гидротехникалык иштер, техника жана механиканын механизациясы боюнча адистик алган. 1993-жылы Кыргыз улуттук университетинин экономика факультетин, 1999-жылы ушул эле университеттин юридика факультетин бүтүргөн.

Эмгек жолун 1993-жылы "Сфера" өндүрүш-коммерциялык фирмада башкы бухгалтердин орун басары болуп баштаган.

1995-жылы "Азнур ЛТД" жоопкерчилиги чектелген коомдун коммерциялык директору.

1995-жылы "Корпорация Датка" жоопкерчилиги чектелген коомдун вице-президенти.

2000-2002-жылдары Жогорку Кеңештин Мыйзам чыгаруу жыйынынын депутаты. Жеке менчик, приватизация жана лицензия берүү комитетинин төрагасы болгон.

2002-жылы каржы министринин орун басары кызматында иштеп, ошол эле жылы каржы министрлигинин алдындагы киреше комитетин жетектеген.

2003-2005-жылдары Баткен областынын губернатору.

2005-2007-жылдары III чакырылыштагы Жогорку Кеңештин депутаты.

2007-2010-жылдары Жогорку Кеңештин IV чакырылышынын депутаты.

Жогорку Кеңештин Экономика, бюджет жана каржы комитетинин төрагасы болгон.

2010- 2011-жылдары КРнын энергетика министри.

2011-2012-жылдары КРнын энергетика жана өнөр жай министри болуп иштеген.

Ал эми 2015-жылдын 4-октябрында "Бир Бол" саясый партиясынан VI чакырылыштагы Кыргыз Республикасынын Жогорку Кеңешинин депутаты болуп шайланган.