Жылнаама

14- Июль 1957 -жылы V чакырылыштагы "Ар-Намыс" фракциясынан Жогорку Кеңештин депутаты Бөдөш Мамырова туулган

V чакырылыштагы "Ар-Намыс" фракциясынан Жогорку Кеңештин депутаты Бөдөш Мамырова Ош облусунун Алай районунун Бүлөлү айылында туулган.

Жогорку билимдүү. 1982-жылы К.И.Скрябин атындагы Кыргыз айыл чарба институтун "окумуштуу-агроном" адистиги боюнча бүтүргөн.

Эмгек жолун 1984-жылы Кыргыз жер кыртышын илимий изилдөө институтунда (ЖКИИ) лаборанттык кызматтан баштаган.

1985–1988-жылдары – улук лаборант, агроном, андан кийин ЖКИИнин улук агроному, илимий кызматкери.

1989-жылы Кыргыз Республикасынын Улуттук илимдер академиясынын (УИА) Геология институтунда, андан кийин "Социализм" совхозунда сугат эсепчиси болуп иштеген.

1991-жылы – Кыргыз ССРнин Географиялык коомунда окумуштуу-катчы.

1992–1995-жылдары – К.И.Скрябин атындагы Кыргыз айыл чарба институтунда "Мөмө-жемишчилиги жана айыл чарба өсүмдүктөрүн кайра иштетүү" кафедрасынын ассистенти.

1995-жылы – Кыргыз Республикасынын УИА ботаникалык бакчасынын ("Өсүмдүктөрдүн физиологиясы" лабораториясы) кенже илимий кызматкери.

1996-жылы – Кыргыз Республикасынын УИА илимий кызматкери.

1999-жылы – "Ар-намыс" саясий партиясынын мүчөсү, өлкөнүн түштүк аймагы боюнча партиянын координатору, андан кийин партиянын төрагасынын орун басары.

2001-005-жылдары – "Азем" өкмөттүк эмес уюмунун жетекчиси.

2008-жылы – "Табият" экологиялык кыймылынын менеджери.

2010-жылдын апрелинде Убактылуу Өкмөттүн тескемеси менен Кыргыз Республикасынын Эмгек, ишке орноштуруу жана миграция министринин милдетин аткаруучу болуп дайындалган.

2010-жылдын октябрында "Ар-намыс" саясий партиясынын тизмеси боюнча V чакырылыштагы Кыргыз Республикасынын Жогорку Кеңешинин депутаты болуп шайланган. 2010-жылдын 23-декабрынан – "Ар-Намыс" депутаттык фракциясынан Жогорку Кеңештин Төрагасынын орун басары, Жогорку Кеңештин регламенти жана депутаттык этика боюнча комитетинин мүчөсү.