Жылнаама

29- Август 1915 -жылы Швециялык жана америкалык актриса Ингрид Бергмен төрөлгөн

Швециялык жана америкалык актриса Ингрид Бергмен Швециянын Стокгольм шаарында туулган. Ингрид Бергмен биринчи жолу 1934-жылы Э.Адольфсондун "Граф из Мункбру" тасмасына тартылган. Швецияда ондон ашык фильмге тартылган соң Голливуддан чакыруу алып, 1939-жылы "Интермеццо" тасмасында роль жараткан.

Ингрид Бергмен "Женщина по имени Голда", "Осенняя соната", "Убийство в Восточном экспрессе", "Цветок кактуса", "Жанна д'Арк", "Газовый свет" ж.б. тасмаларына тартылып, үч жолу "Оскар", үч жолу "Давид ди Донателло", төрт ирет "Алтын глобус", эки жолу "Эмми" сыйлыктарына ээ болгон.

1973-жылдары актриса оор дартка кабылып, 9 жыл аны менен күрөшкөн соң 1982-жылы өзүнүн туулган күнүндө, 29-августта 67 жаш курагында көз жумган.