Жылнаама

20- Январь 1996 -жылы Ясир Арафат Палестинанын президенти болуп шайланган

XX кылымдын радикалдуу саясатчысы аталган Ясир Арафат 87 пайыз добуш алып, Палестинанын президенти болуп шайланган.

Ясир Арафат 1929-жылы 24-августта туулган. 1969-жылдан өмүрүнүн аягына чейин Палестина боштондук кыймылын жетектеген. 1994-жылдан баштап Палестина улуттук администрациясынын төрагасы болгон. Арафаттын ден соолугу 2004-жылдын 28-октябрында кескин начарлай баштап, жарым айдан соң, 11-ноябрда 75 жашында көз жумган.

2013-жылы 6-ноябрда Палестина лидери Ясир Арафаттын ууланып өлгөнү тастыкталган. Швейцариялык эксперттер 2004-жылы көз жумган Палестина лидери Ясир Арафаттын полонийден (радиоактивдүү химиялык элемент) ууланып өлгөнүн тастыкташкан. Мындай маалыматты дарыгерлердин корутундусу менен таанышкандан кийин анын жубайы Суха Арафат жарыялаган. Экспертизаны Лозанна университетинин радиациялык физика институтунун адистери жүргүзүп, жыйынтыгында Ясир Арафаттын денесинде полонийдин нормадан 18 эсе көп экени белгилүү болгон.